Ischäller-Gruppä Pfäffike
mir schtellet eus de PfäffikerInnä und de ganze Gmeind gäre vor, mit em Trychler-Bruchtum. Das wird z `Pfäffike und i de Umgäbig trotz Urbanisierig mit grosser Freud gläbt. Üs gids scho sit ungefähr 90 Jahr. Sit bald 20 Jahr sind viel jüngeri Mitglieder zu de Ischäller-Gruppä gschtosse und händ de Plausch dra zum es alts Bruchtum pfläge und Sorg ha dezue. Ein Grund mag si dass es bi eus ebe locker vom Hocker lauft. Euse Haupttag isch natürli de Drü-Königstag wo mir s`Fasnachtsischälle im Dorf pfläged und au immer fascht alli Mitglieder debie sind. Underem Jahr simmer öppe amene Umzug, anere Geburtstagsfiir, amene Hochsig, Trychlerträffe oder suscht amene Alass azträffe. Stolz simmer au uf eusi Geislechlöpfer wo regelmässig träniered, dass sie nöd zur Üebig us chömed. Am Pfäffiker Märt füeremer zudem sit bald 25 Johr s`Ischäller-Zält, das au, alle Jahre wieder es paar Batze i Kasse flüsset.....
